GW TV

Gujranwala Based News

پنجاب

تعلیمی ادارے 11 جنوری کو کھلیں گے یا نہیں وزیرِ تعلیم پنجاب نے اشارہ دے دیا

وزیر تعلیم پنجاب مراد راس نے منگل کے روز کہا ہے کہ صوبے میں کورونا وائرس کے وبائی مرض کی صورتحال کو مدنظر رکھتے ہوئے صوبے میں اسکول مزید کچھ عرصہ تک بند رہ سکتے ہیں۔
صوبے کے اساتذہ کے لیے ریٹائرمنٹ سسٹم کی افتتاحی تقریب سے خطاب کرتے ہوئے صوبائی وزیر تعلیم ڈاکٹر مراد راس نے صوبے بھر میں اسکولوں کی بندش کے معاملے کا ذکر کیا۔ صوبائی وزیر نے کہا کہ میں ذاتی طور پر اسکول کھولنا چاہتا ہوں مگر اسکولوں کا 11 جنوری کو کھلنا ممکن نہیں، موجودہ حالات کو دیکھتے ہوئے ہمیں اسکولوں کی بندش کو طول دینے کے فیصلے پر عمل پیرا ہونا پڑ سکتا ہے۔ انہوں نے کہا کہ صوبائی حکومت نے اسسمنٹ پالیسی کے مطابق پانچویں جماعت کے امتحانات ملتوی کردیئے۔
انہوں نے پنجاب حکومت کے اس فیصلے کی وضاحت کرتے ہوئے کہا کہ جب پانچویں جماعت کے امتحانات کی بات ہوئی تو اساتذہ طلبا کو دھوکہ دہی میں مدد فراہم کررہے تھے۔
صوبائی وزیر تعلیم نے مزید کہا کہ پرائیویٹ اسکولز ایکٹ منظوری کے لیے کابینہ کو بھیجا جائے گا۔ انہوں نے کہا کہ اس قانون سازی کے لیے تین ماہ کے اندر اندر حکومت سے منظوری مل جائے گی۔

LEAVE A RESPONSE

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

×