GW TV

Gujranwala Based News

پاکستان

شفقت محمود کی زیرصدارت بین الصوبائی وزرائے تعلیم کا اجلاس ختم تعلیمی اداروں کے متعلق اہم فیصلہ آ گیا

‏وفاقی وزیر تعلیم شفقت محمود کی زیرصدارت بین الصوبائی وزرائے تعلیم کا اجلاس ختم، اجلاس میں کورونا وائرس کے باعث تعلیمی اداروں کی بندش کے حوالے سے اہم فیصلہ کر لیا گیا ۔
اجلاس کے بعد وفاقی وزیر تعلیم شفقت محمود نے بتایا کہ ‏26 نومبر سےپاکستان کے تمام تعلیمی ادارے بند کر دیے جائیں گے،
‏اسکول کالجز یونیورسٹیز ٹیوشن سینٹرز سب بند ہوں گے۔
انہوں نے مزید کہا کہ‏25 دسمبرسے 10 جنوری تک تمام تعلیمی داروں میں سردیوں کی مکمل تعطیلات ہونگی ، ‏26 نومبر سے 24 دسمبر تک ہوم لرننگ کا سلسلہ جاری رہے گا۔ شفقت محمود کے مطابق‏11 جنوری کو 6 ہفتے بعد حالات بہتر ہونے پر تمام تعلیمی ادارے کھول دیے جائیں گے، ‏25 دسمبرسے 10 جنوری تک تمام تعلیمی اداروں میں سردیوں کی مکمل تعطیلات ہونگی ۔ ان کا مزید کہنا تھا کہ‏11 جنوری کو تعلیمی ادارے کھولنے سے پہلےکورونا وبا کی صورتحال کاجائزہ لیاجائے گا، ‏ہاسٹل میں طلبا کا ایک تہائی حصہ رہے گا، ‏بچوں کے دسمبر میں ہونے والے امتحانات ملتوی کردیے ہیں۔

LEAVE A RESPONSE

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

×